قبل ما اتجوز كنت ديما باكره الستات المتجوزين ومابعرفش أصاحبهم أبدا واستغرب طب ماهم كانوا بنات في يوم من الأيام إيه اللي اتغير ؟؟
يمكن اهتمامتهم بقت غير اهتماماتي .. يمكن عشان اغلب كلامهم عن الطبيخ والعيال وأبوهم .. يمكن
طيب أديني اتجوزت من أكتر من سنة ونص .. ياترى ياهل ترى أنا كمان اتغيرت وبقيت الصورة اللي كرهتها طول عمري
انا مش هانكر، بصراحة انا فعلا اتغيرت.. مش اهتماماتي اللي اتغيرت بس، كان هيبقى أهون كتير ..في حاجات جوايا اتغيرت ،حاجات مش لاقياها ..
مفتقدة جدا أني أكون صادقة مع نفسي واللي حوليا ..مفتقدة جدا للصفاء الروحي والفكري ..مفتقدة الكتاب والكتابة وسهري معاهم طول اليل
حاسة أني في حالة من التبلد الأنساني .. والحسي.
الاشتراك في:
تعليقات الرسالة (Atom)
هناك تعليق واحد:
ما وصلتيش لسه للنموذج ده م النساء المتزوجات :)
أهم حاجة ان الواحد ياخد باله قبل ما يفوت الوقت
و بيتهيألي انتي أخدتي بالك في الوقت الصح
غير كده
مش شرط إن الجواز بس هوه اللي يخلي واحد يفقد اهتمامه بالكتابة و القراية و السهر مع الكتب و الجو ده
ممكن جداا الواحد يفقد نفسه و اهتمامه بالأشياء من غير أي سبب ، أو بسبب انه ساب نفسه لهوجة الحياة و ضغوطتها - بصرف النظر عن نوعها
و ممكن حد كل ظروفه اتغيرت ، سواء شغل أو جواز أو كده ، بس قدر يحافظ على نفسه
أهم حاجة اننا نرجع لقواعدنا سالمين :)
إرسال تعليق